Children’s paintings help cancer patients : கல்லூரி மாணவிகளுக்கு போட்டியாக கரகாட்டம், காவடி, புலிவேசம் என உற்சாகமாக பொங்கல் விழாவை கொண்டாடிய பள்ளி குழந்தைகள் ; 50 வகையான நிறங்களில் பானைகள், கமர்கட்டு, பல்லிமிட்டாய், தேன் மிட்டாய் என 90 கிட்ஸ்களின் பாரம்பரியத்தை கண்முன் நிறுத்திய குழந்தைகள்.
மேலும் இதில் வரும் வருவாயை நலிவடைந்த விவசாயிகளுக்கு வேஷ்டி, சேலையும் மற்றும் குழந்தைகள் வரைந்த ஓவியங்கள் ஏலம் விடப்பட்டு புற்று நோயாளிகளுக்கு அனுப்பப்பட்டது பற்றிய செய்தி தொகுப்பு.
Children’s paintings help cancer patients
தமிழகம் முழுவதும் பொங்கல் விழாவை முன்னிட்டு கல்வி நிறுவனங்களில் கல்லூரி மாணவ மாணவிகள் பொங்கல் வைத்தும், நடனமாடியும் உற்சாகமாக கொண்டாடி வருகின்றனர். கல்லூரி மாணவிகளுக்கு போட்டி கொடுக்கும் வகையில் நாகப்பட்டினம் மாவட்டம் பாப்பாக்கோவில் கிராமத்தில் இருக்கும் சர் ஐசக் நியூட்டன் பள்ளியில் மாணவ மாணவிகள் உற்சாகமாக பொங்கல் விழாவை கொண்டாடி மகிழ்ந்தனர்.
பாரம்பரிய பண்டிகையான பொங்கல் விழாவில் தமிழர்களின் அடையாளங்களை மக்கள் தெரிந்துகொள்ளும் வகையில் நடைபெற்ற பொங்கல் விழாவை மாவட்ட வருவாய் அலுவலர் பேபி துவக்கி வைத்தார். விழாவில் குழந்தைகளால் பொங்கல் சந்தை நடத்தப்பட்டு, 90 கிட்ஸ்களின் மிட்டாய் வகைகள் விற்பனை செய்யப்பட்டது.
Read Also : மயிலாடுதுறை நகராட்சியில் பொங்கல் விழா
இலந்தை மிட்டாய், ஐஸ்மிட்டாய், குச்சி மிட்டாய்,குருவி ரொட்டி,கடலை மிட்டாய்,தேன் மிட்டாய், தேங்காய் பர்பி, போன்ற மிட்டாய்களை குழந்தைகள் மகிழ்ச்சியோடு வாங்கி உண்டு மகிழ்ந்தனர். மேலும் மிட்டாய் விற்பனை செய்யப்படும் தொகை மற்றும் மாணவர்கள் வரைந்த ஓவியங்களை பெற்றோர்களுக்கு ஏலம் விட்டு அதனால் வரும் வருவாயை 10 வயதுக்கு உட்பட்ட புற்று நோயால் பாதிக்கப்பட்ட குழந்தைகளுக்கு சென்னைக்கு அனுப்பி வைக்கப்படுகிறது மேலும் அருகில் உள்ள நலிவடைந்த விவசாயிகளுக்கு வேட்டி சேலை போன்ற பொங்கல் தொகுப்பை, வயல்களில் வேலை செய்து கொண்டிருந்த விவசாயிகளுக்கு நேரடியாக சென்று வழங்கினர்.
பள்ளிகளில் குழந்தைகள் படிக்கும் பருவத்திலே அவர்களை சமூக விழிப்புணர்வு செயல்களில் ஈடுபட ஊக்கமளிக்கிற பள்ளி நிர்வாகத்திற்கு பெற்றோர்கள் மற்றும் விவசாயிகள் சார்பாக பாராட்டு தெரிவிக்கப்பட்டு வருகிறது மேலும் பார்வையாளர்கள் கண்களை கவரக்கூடிய வகையில் சந்திராயன் ராக்கெட் பானை போன்ற 50 க்கும் மேற்பட்ட வண்ணமயமான பானைகள் காட்சிப்படுத்தப்பட்டு உள்ளது.
