DMDK in BJP alliance : பாஜக கூட்டணியில் இருந்து அதிமுக பிரிந்து வந்த பின்,அதிமுக தனி அணியை அமைக்க முயற்சி செய்து வரும் நிலையில், பாஜக தலைமையில் ஒரு புதிய அணியை உருவாக்கும் முயற்சியில் ஈடுபட்டு வருகிறது.
இந்த நிலையில் பாஜக அணியில் ஒரு சில கட்சிகள் சேரும் என்று எதிர்பார்க்கப்படும் நிலையில் சென்னை வந்துள்ள மத்திய அமைச்சர் பியூஸ் கோயலை தேமுதிக பொதுச் செயலாளர் பிரேமலதா இன்று சந்திக்க இருப்பதாக தகவல் வெளியாகி இருக்கிறது. இந்த சந்திப்பின்போது பாஜக கூட்டணியில் தேமுதிக இணைவது பற்றி பேச்சுவார்த்தை நடத்தப்படும் என்று எதிர்பார்க்கப்படுகிறது.
சென்னையில் உள்ள விஜயகாந்த் வீட்டிற்கு இன்று அஞ்சலி செலுத்த பியூஸ் கோயல் செல்லவுள்ளார்.இந்த நிலையில் அப்போது கூட்டணி பற்றி பேச்சு வார்த்தை நடைபெறும் வாய்ப்பு உள்ளதாகவும். பாஜக கூட்டணியில் தேமுதிக இணைய அதிக வாய்ப்பு உள்ளதாகவும் சொல்லப்படுகிறது.
Read more : உங்கள் சருமம் அழகு பெற அருமையான அழகு தகவல்கள்!
ஏற்கனவே அதிமுக கூட்டணியில் இடம்பெற்றிருந்த தேமுதிக தற்போது பாஜக கூட்டணியில் இணையுமா? அல்லது மீண்டும் அதிமுக கூட்டணியிலேயே தொடருமா? என்பதை தேர்தல் நெருங்கும் போது தான் தெரியவரும்.